國慶

國慶於我真係冇乜特別意義, 除左多左一日假期, 我都真係諗唔到有乜野值得我高興. 國慶確實是一個勞民傷財的日子.

不過我要讚:
- 那些in perfect unison 的步操, 真係幾impressive的! 學無記新聞的評術話齋, d 胸線、臂線、槍線、乜線物線, 都真係有咁齊得咁齊. 是很壯觀的. 但一路睇我又一路諗, 呢d 人係練操個陣俾幾多個長官無理取鬧, 為左呢次國慶暗啞底過左d 乜野非人生活...

我要彈:
- 可不可以不要每個電視台都全天候播國慶的東東, 真係由早到晚冇停過. 大佬, 我放日假係都俾我抖下, 不要一路幫我洗腦, 聽左900幾次《歌唱祖國》.... 要知道, 不是聽得多, 就真係會去歌唱祖國的.

- 架香港花車可唔可以再樣衰的, 仲要330萬.... 炒左個designer 啦唔該, 仲樣衰過新年的花車巡遊, 徙錢!

- 其實係唔係真係有必要show 晒d 軍備出來呢? 好無聊呀... show 出來我就怕你咩? 很多事情在心中就夠了. 你諗下如果有個A-Level 6A 既人不停係你面前炫耀, 張成績單係你面前係咁 "羊", 你會唔會想打鑊佢?

- 全日的慶祝活動, 都是極之充滿共產黨色彩啦, 那些叫人作嘔的對答、口號、表演、歌曲... 真係有D 娘 lor.

- 北京d 慶祝活動又封街又封鋪, 唔俾人做生意, 唔俾遊客出酒店, 唔俾你開窗睇閱兵.... 這個政府真專制, 但你敢唔敢eh?

- 60年就搞到咁巴閉, 人地法國200幾年tim 啦, 你有冇見人地抬d 領導人d 相出來丫? 有冇見人地坦克大炮通街遊丫? (後按: Ah On 話France is actually one of the most-eager-to-show-its-miliary-power countries in the world..... 咁可能係我孤陋寡聞啦, 我真係冇見過其他國家國慶[共產國家除外]會搬d 導彈遠程炮出來... 都係個句, I don't see the point!) 小題大造, 是不是錢多到冇地方洗?